方媛再拍片抱三寶慶祝新年 不科學纖瘦身材網民羨慕

方媛 10月再為 郭富城 誕下一女，成為城城去年「登六」嘅最佳生日禮物。而身為三女之母嘅Moka，事後曾於盛傳花費高達200萬嘅頂級月子中心自拍影片，坐月期間身形已回復得非常窈窕，令人羨慕。

近日方媛又抱住細女郭穎心Cheryl現身慶祝踏入2026年，身穿米白色短裙現身嘅佢，企喺聖誕樹前拍攝，非常有節日氣氛，仲流露非常寵愛嘅眼神，小露纖腰嘅佢仲被網友留言指身形非常不科學。Moka就曾留言回應話，秘訣係一定要將修腹帶紮好。而Cheryl雖然只得兩個多月大，不過就可見佢頭髮非常多喇。