早前於香港展開個人巡迴演唱尾站嘅王菲大女 竇靖童 ，1月3號踏入29歲，公開多張自拍照笑容滿面，多謝好友同網友對佢嘅生日祝福。童童活動得自在消遙，對外界傳聞抵抗力極高，好似佢完成巡迴後參與名牌活動，就懶理外界對佢同 周迅 同性密友傳聞，照傾照合照冇有怕喇。
而佢嘅同母異父妹妹 李嫣 ，今年亦將踏入20歲，早前佢就被眼利網友發現，跟住媽咪同老友 劉嘉玲 梁朝偉 等一行人出動滑雪，被指唔識滑雪嘅阿菲更係跟得媽咪陪住囡囡，外界直指阿菲平時對運動興趣一般，呢次陪太子讀書就可見佢有幾愛錫李嫣喇。
李嫣近年逐步走入公眾視線，好似舊年8月同媽咪齊齊去法國旅行，母女親密依偎於河畔休息，之後又現身公益活動，亦被指曾為做生意技巧麻麻嘅父親 李亞鵬 嘅茶葉直播拍賣出力。
