由TVB經典劇集延伸而成嘅電影版《尋秦記》，自除夕上映後票房成績理想，開畫首日港澳票房錄得1100多萬，創下香港電影史上首日最高開畫票房紀錄。之後連續兩日，港澳單日票房均突破一千萬，成為城中熱話。
今日踏入上映第4日，票房亦再下一城累計衝破三千萬大關，連日來主演已四出謝票，其中 古天樂 星期五就傳出因身體不適需入院而缺席部份佛山站活動，不過星期六佢就已歸隊現身深圳行程，精神回復唔少嘅佢更已回復嘴本色，同觀眾話：「尋日古代有啲事要處理，所以返咗去一轉，而家搞掂晒就返嚟喇。」仲話王上缺席係因為輪到 林峯 有事處理要返古代喎。