應屆港姐亞軍 施宇琪 早前宣佈同拍拖多年嘅男友定婚，而被觀眾冠以「得意妹」外號嘅季軍 袁文靜 近日唔止挑戰Rap新年歌曲，亦於網上分享2025年自己由一個旅居東京嘅Digital Nomad到成為港姐嘅奇妙旅程。
文靜話自己喺東京生活，邊學習日文，邊於網上教授經濟學為職業，2月先返上海家鄉過年，之後就來港於大學為一個工商管理博士課程負責招生同市場推廣，之後為認識更多朋友同學廣東話先決定參選港姐。
佢話順利經過兩輪面試，再入圍14強之後，一連串訓練拍攝以及外景行程，令每一位參與佳麗都非常緊繃，期間佢仲一直為身段節食同運動，而文靜亦以標青又可愛而成為季軍。
成為應屆港姐之後，佢嘅工作亦接踵而來，先係為TVB拍攝中秋宣傳片，首次演出令文靜覺得非常新奇有趣，之後佢又同Angela一齊與阿Bob一同主持《攻你上大學》，一直到10月底先再有假期，令佢可以稍為喘息充電。
文靜又話，事後回想認為自己得到名次，原因可能係自己傻更更嘅親切形象，又趁新一年鼓勵更多朋友勇敢挑戰自己，走出自己嘅Comfort Zone
