張玉珊 早年息影從商，醫美事業更成功上市，曾係香港最年輕嘅上市公司主席，非常犀利。近年Shirley亦投資有道﹐早前就有報道指佢身家已達3億之譜，佢亦成立慈善基金行善。Shirley近年同男友盧啟賢發展順利，早前亦承認已獲男友求婚成功，可以話事業愛情皆得意。
事業穩定，Shirley亦開始追尋夢想，近年積極考取夢想嘅機師執照，年前佢就公開過自己受訓時嘅圖片，去年仲成功獲民航處簽發香港飛行執照，加上佢之前獲得嘅中國同英國執照，可以話係成功圓夢。
Shirley過往已曾經於外地駕駛飛機接載好友甄子丹夫婦空中飛翔，社交平台中亦曾見佢搭載青少年體驗飛行，而新一年來臨，佢嘅社交平台亦Post出一條片段，見佢駕駛Robinson直昇機飛越萬宜水庫同維港上空，表情自信又驕傲，認真犀利。
