梁靜茹 嘅全新「Best，茹果我不唱情歌」世界巡迴演唱會，星期六喺廈門舉行新一年首場演出，Fish一開場唱完〈天燈〉後就以閩南語嘅「大家好」同近3萬名觀眾打招呼，又講到：「今天很特別，謝謝你們來陪我一起度過2026第一個週末。」就講到相隔9個月就推出全新巡演嘅原因。
去年2月先喺紅館完成上次巡演嘅佢，11月就帶全新演出於上海開唱，佢仲提到經常覺得自己演唱會欠缺舞蹈成分，而年前欣賞過太陽馬戲團演出後馬上被吸引，於是努力搵到導Yves Aucoin演，結果雙方想法一拍即合，火速啟動新巡演。
演唱會開場時，Fish以紅色天鵝絨斗篷晚禮服現身，Yves Aucoin曾為天后Celine Dion打造演唱會，更被譽為係佢嘅「御用導演」，佢仲指：「我第一次見到Fish，就發現她不只是位藝術家，更是一位非凡、多面向的人，希望這場演出能展現她不同的一面。」雖然當地體感溫度只得攝氏2度，不過3萬名觀眾熱情點燃現場氣氛，令佢唱得更加投入。
Fish唱完〈燕尾蝶〉後感性話：「每個人都有很多面吧！情歌工作者我也有。台上的我、台下的我；快樂的我、不快樂的我。不過隧道的盡頭會是光，眼淚的盡頭是洗滌，眼淚不是軟弱，是滋養自己，傷口可以長出新的自己。」而串年每個段落嘅片段都含有唔少水嘅元素，導演話：「水意喻Fish在低谷時被淹沒、喘不過氣的情緒，但也象徵她終於突破水面、重新呼吸。」
整場演唱會以組曲、搖滾、Unplug等唔同音樂方式呈現，被稱為「情歌天后」廿多年嘅Fish仲話：「可以一路唱，認識了你們，得到你們滿滿的愛與鼓勵，我覺得自己很幸運，什麼頭銜、標籤一點也不重要。」Fish今次巡演，之後將分別於南京、武漢、重慶、太原等城市舉行。