日本女星 北川景子 婚後誕下一仔一女，北川雖然要兼顧家庭同事業，但係佢喺呢兩方面都平衡得好好，除咗喺舊年蟬聯日本理想夫婦票選冠軍之外，喺電影方面，佢去年亦一連攞咗兩個獎，北川話呢個係佢最想做到嘅目標，而家真係達成咗，佢都覺得好開心。獲獎後，北川指會將獎座帶返屋企同家人分享，亦會攞去畀事務所嘅工作人員睇，佢話雖然講唔上係兩全其美，但係要同時湊小朋友，亦要努力工作，自己無因為咁而倒下來，已經好好喇。
唔少演員都因為太投入角色，可能會抽離唔到，不過經常演沉重角色嘅北川，就似乎無呢方面嘅困擾，佢話返到屋企，聽到小朋友喺度吵吵鬧鬧，令佢又可以重投母親嘅角色，呢種生活上嘅反差，反而令佢覺得好感恩呀。
