韓國一個電視台喺每年最後一日都會舉行演技大賞，有份角逐獎項嘅演員，喺頒獎禮前都會盛裝踏上紅地氈，儘管首爾氣溫接近零下10度，但一眾女明星依然無懼寒冷，著住單薄晚裝展現美好身段。
今年大賞嘅得主由同一套劇嘅男女主角安在旭同嚴志媛奪得，佢哋仲得到最佳情侶獎。最優秀獎就頒畀三位實力派演員李英愛、李泰蘭同金英光，李英愛同金英光亦同時得到最佳情侶獎。
迷你劇嘅優秀獎得主包括玉澤演、徐玄、李濬榮同鄭知蘇，玉澤演同徐玄同樣有份得到最佳情侶獎，而李濬榮就同劇中拍檔鄭恩地搶下一席最佳情侶獎。
長篇劇嘅優秀獎得主包括尹博、丁一宇、鄭仁仙同柳仁英。丁一宇同鄭仁仙亦同時得到最佳情侶獎，而尹博就同劇中另一位搭檔李春得到最佳情侶獎。
