《萬千星輝頒獎典禮2025》於澳門新葡京綜合度假村舉行，一眾入圍各個獎項嘅男女星，都盛裝打扮出現，呼聲甚高嘅《新聞女王2》死敵 佘詩曼 同 黃宗澤 壓軸出現，於紅地氈依然繼續鬥嘴，似乎信心十足。同Bosco有力一鬥嘅《刑偵12》 林保怡 就同同樣有機會挑戰阿佘嘅 李施嬅 一齊現身，仲話希望同阿佘再次合作呀。
至於女星們呢日亦花盡心思鬥靚，至性感嘅就一定有 張曦雯 喇，全露背極度性感嘅Kelly同《俠醫》拍檔 陳豪 一齊入場，高雅女人韻味爆燈。同 馬國明 一齊以全黑打扮到場嘅 高海寧 ，同樣露背出現。
賽前出盡力拉票嘅 羅子溢 就同 陳曉華 挽手進場，子溢仲獲子女繪畫賀卡打氣，Hera就話有份提名就已經非常滿足喇。而一身金色貼身長裙出現嘅 王敏奕 ，去年曾獲傑出衣著獎，今年佢再憑「劉艷」一角入圍爭女配角，元旦剛度過生日嘅佢，仲話希望大家今年繼續投自己一票，仲話如願得獎會再次多謝老爺咁話。
另一位衣著得出嘅係 露出整雙美腿嘅 戴祖儀 ，力敵一眾以晚禮服上陣嘅女星。而 汪明荃 就同 周嘉洛 拍檔出現，仲大讚嘉洛大把前途同機會。
陳自瑤 一年中空晚裝一樣誠意十足，Yoyo仲指因晚裝極貼身而忍口出現。「女神」們亦悉心打扮出現， 李芷晴 低胸裝現身、 關嘉敏 就以一身貼身透視裝加大禮帽出現，而最強CP 葉蒨文 當然就同GM襯絕挽手出場喇。
