《尋秦記》除夕上映，星期日下午港澳票房己突破4000萬，走勢凌厲，而一直跟佳「父母」 項少龍 同 烏廷芳 出動謝票嘅 朱鑑然 ，前晚於深圳宣傳時，就一家三口齊齊整整同現場觀眾一齊預祝1月5號嘅生日，場面溫馨又熱鬧。朱仔為自己許願之餘，仲提醒現場fans，要每人叫10名老友入場欣賞好戲。
當日大家於戲院宣傳期間，工作人員突然推出蛋糕為朱仔送上驚喜預祝生日。「Daddy」項少龍 古仔同「媽咪」WTF與壽星仔「項羽」朱仔，三人一齊擺出心心甫士慶祝。朱仔提到「生日願望」時笑指生日願望唔可以公開，所以改以「生日請求」表達，呼籲大家入場睇戲。現場觀眾又為朱仔大合唱生日歌，古仔同宣萱亦為佢送上祝福。
