林憶蓮「迴響Resonance巡迴演唱會」自2025年初於深圳展開首場演出，直至除夕晚再次重返深圳，重返起點與數萬歌迷一同送別舊年。憶蓮仲指：「場館裏面好像就是我們的宇宙，我的小宇宙和你們每一個人的小宇宙都在一起。我們一起成長，一起分享好多屬於彼此的東西，所以是很感動的事情。」
憶蓮以〈不必在乎我是誰〉、〈至少還有你〉等多首四十年金曲，串聯起同歌迷嘅共同情感。而整晚高潮就係2026新年嘅鐘聲敲響，憶蓮以全新編曲嘅〈歸零〉同大家迎接新一年，全場合唱聲浪震天。
佢溫柔咁話：「無論你今天是一個來或者是身邊有人陪你，我希望你可以在心中，有好多好多的溫暖，還有好多好多的力量。我們一起來，進入新的一年。新年快樂，願大家有一個美麗的2026年。」
深圳終站又特別增設「花車環場」環節，亦係此次巡演首次出現嘅特別設計。林憶蓮乘搭「飛船」花車，隨住〈遠走高飛〉前奏響起，沿場內航道航行。之後唱起〈詞不達意〉同〈至少還有你〉。
1月3號係演出最終場，憶蓮特別選唱精心挑選嘅〈最好的事〉、〈自製空間〉、〈沒結果〉同〈再見悲哀〉。仲話每一首歌都有特別想同大家分享嘅意義。憶蓮用近一年時間，為「迴響」旅程畫上完美句號。
