大家無時無刻都手機不離手，科技為人類解答大量問題，而Google亦公佈2025年嘅各大界吃搜尋關鍵字，其中娛樂界別當中，TVB嘅藝人同劇集節目都表現耀眼，當中剛於《萬千星輝頒獎典禮》橫掃全場嘅《新聞女王2》，更於年度熱搜關鍵字排名第9。
呢部台慶劇更係年度熱搜劇集及節目排名第1，其他TVB製作嘅劇集好似《奪命提示》排第2、《巨塔之后》排名第4、《女神配對計劃》成為第6名、《刑偵12》排第7；而於TVB播放嘅《太陽星辰》則係第10名。
另外本地娛樂名人排名，事隔多年再於香港展開演唱會嘅 謝霆鋒 成為娛樂名人同熱搜演唱會第一名，而曾展望同葉蒨文呢對「女神CP」就成為熱搜娛樂名人組別第2、3名，因身體問題入院嘅 關淑怡 亦極受各界關注排名第4，而去年初獲頒視后嘅 龔嘉欣 則排名第9。
