盧冠廷即將喺內地展開巡唱，呢日現身廣州宣傳獻唱神曲《一生所愛》，跟歌迷見面，全場觀眾聽得好投入，今次喺廣州作為巡唱嘅第一站，盧冠廷話等咗呢個機會好耐，終於夢想成真！
呢次盧冠廷亦重新編製全新歌曲，多年嚟遭生母拒認身份，仍覺得深深不忿，希望憑歌寄意，盧冠廷坦言知道生母係好有名嘅人，但盧冠廷唔可以講媽媽個名，雙親不可以接近，盧冠廷希望有一日，生母所生嘅兒女會同佢相認，到時佢先會透露生母係邊個！
盧冠廷除咗重新改編《一生所愛》，仲作咗一首新歌，呢首歌係作畀全部中國人，歌詞亦有「廣州」兩個字，主要係講中國人奮鬥，希望觀眾一齊唱。盧冠廷苦練普通話準備演出，更即場展示學習成果。盧冠廷指喺香港樂壇，自粵語流行樂壇殿堂級歌手羅文開始，一直有新歌星唱佢嘅作品，好多人都唔知係佢作，直至睇盧冠廷演唱會先知道。
盧冠廷與太太唐書琛多年恩愛如昔，二人屬靈魂伴侶，盧冠廷笑談二人創作趣事，大讚太太擁有智慧，寫歌功力係天生，佢好幸運有太太相伴，幫助自己事業行到今日！