縱橫華語樂壇47年嘅絲絨歌后 蔡琴，去年正式開啟最後一個大型巡迴演唱會，3月佢更會將演出移師澳門舞台，為觀眾帶來呢次不能錯過嘅演出。
演唱會以《不要告別》為主題，更將係蔡琴大型巡演嘅「最終章」。此後將難有機會細聽蔡琴嘅悠揚歌聲，但蔡琴本人就唔認為呢件係悲傷嘅事，反而覺得是一件美好的事。仲指呢次重點不在告別，而在於佢唱過嘅每首歌曲：「這些好音樂沒有跟我們告別過，我們也不跟他們告別。」仲話即使未來唔再舉辦大型演唱會，但歌曲將會常留在歌迷心中。
蔡琴話今次演出將為大家演出多首早已刻入靈魂嘅經典金曲，為陪伴佢47年嘅知音作感謝，，更會專門挑選承載佢私人記憶嘅作品，包括經典老歌同校園民歌，更可能係從來冇演唱過嘅冷門曲目，期望可以為觀眾帶來驚喜。演唱會又會以紀錄片方式轉場，用最真實一面講述蔡琴歌曲背後故事，令觀眾認識一個比過往更加立體嘅蔡琴。
