林文龍、郭可盈呢對恩愛夫妻鮮有夫妻檔同台，日前佢哋出席《萬千星輝頒獎典禮2025》，為「最佳女主角」獎項擔任頒獎嘉賓，佢哋愛女林天若（Tania）都有跟住父母到場。
15歲嘅Tania已經亭亭玉立，外貌唔只遺傳父母優良基因，仲係學霸一名，最近Tania仲嘗試做YouTuber㖭！ Tania喺自己嘅社交平台分享出席頒獎禮嘅Vlog，將喺酒店化妝扮靚嘅過程全記錄，郭可盈同林文龍都有出鏡。換上一身白色打扮嘅Tania充滿仙氣同星味，佢仲跟住父母同曾志偉、譚詠麟、黃宗澤、高海寧、王敏奕等多位藝人合照。
唔少網民睇完Tania嘅Vlog都大讚佢好有媽咪當年參選港姐時嘅影子，期待佢未來入行繼承父母衣缽。而林文龍、郭可盈對於囡囡發展興趣亦持開放態度，更表示過只要囡囡顧好學業，投入發展興趣係冇問題，甚至讚成囡囡隨興趣探索未來職業。