李施嬅喺2021年宣布車崇健（Anson）求婚成功，去年2月突然與未婚夫解除婚約，二人最近參加內地婚戀綜藝，再次相處18日，經過多次傾談加深彼此了解，李施嬅曾揚言跟車崇健「不會再見」，網友以為李施嬅唔會復合，李施嬅卻選擇再俾車崇健一次機會！
44歲李施嬅喺節目被標籤「戀愛腦」，去到尾聲環節，男女分別喺唔同車上，佢哋喺車上嘅時間需要仔細想想自己係咪要同對方繼續呢段感情，願意繼續就落車見面，唔願意就繼續坐喺車上揚長而去。李施嬅最後一刻選擇落車，跟車崇健有機會復合，畫面見二人對望展現真摯笑容，確實震撼唔少網民，粉絲紛紛留言祝福，叫佢哋要好好珍惜對方。
李施嬅表示「下車」並唔代表二人馬上重新喺埋一齊，只係佢喺18日內，覺得車崇健畀到一點點希望，呢個希望係非常重要，佢好想睇吓呢一點點嘅希望能否變得更大，車崇健則開心擁著李施嬅，之後李施嬅解釋：「因為我是一個非常容易心軟的，我不想他不開心，看到他的用心，就是心疼，想要看到他開心，想要抱他，給大家一個機會，可能會更好。」
李施嬅喺節目裡面聽到主持一段錄音，指李施嬅疲憊地反覆喺愛與理智之間拉扯，呢八年當中經歷過多少次希望燃起又熄滅、多少次說服自己再試一次就好，之不過主持覺得李施嬅永遠不必調整自己標準及期待，就按照自己心意去揀，「你選擇他，他就是對的；你選擇放下，放下就是對的。關乎你的人生，誰能給你一個標準答案呢」，李施嬅聽畢立刻控制不住淚崩。