剛剛喺3號度過咗31日歲生日嘅 Hera Chan 陳曉華 ，4號於澳門出席台慶頒獎禮時，除咗獲現場傳媒投票，與緋聞男友 Brian朱敏瀚 雙雙獲得「最佳衣著男女藝人」，同日亦有粉絲非常體貼，現身頒獎禮支持Hera之外，仲為佢補祝生日。
登入myTV SUPER重溫《金式森林》
事隔數天，Hera喺社交平台開心分享慶祝生日相，佢自己寄語寫上「在熱鬧中異常安靜地渡過，如樹扎根31年，感受更踏實，吸收更多養分。參天很遠，願繼續不慌不忙地生長，成為溫柔又堅定的綠蔭。」
登入myTV SUPER重溫《新聞女王2》
其實Hera當晚出席完頒獎禮後，亦撰文恭喜各位得獎者，佢又特別提到Man姐佘詩曼嘅感言最最最有力量，而自己亦好鍾意喺《新聞女王2》中唐芷瑤角色。另外，佢又感激《金式森林》中林澄一角令佢獲得提名，兼且有份到澳門出席盛會，更意外獲得「最佳衣著女藝人」，完成2025年嘅工作清單，佢會喺2026年繼續磨練自己。
