生日快樂呀！1月7號係黑妹李麗霞嘅65歲生日，喺圈中人緣極佳嘅黑妹，每年生日獲一大班好友到賀，今年生日當然唔例外，現身生日派對嘅包括胡楓、薛家燕、米雪、陳曼娜、肥媽、賈思樂、陳國邦、羅敏莊、朱咪咪、黃錦燊、杜燕歌、資深傳媒人汪曼玲、張武孝、三姐蕭秀香，以及三屆中聲唱將。現場眾集大批唱得之人，又點會少得上台唱歌環節，大家跟黑妹姐盡興跳唱。
生日派對冇任何服飾主題，不過周吉佩同李佳就無獨有偶，好似襯到絕咁以豹紋衫現身，呢個緣份當然要好好紀錄一下，正如吉吉所言「唔影相唔得啦！」其實黑妹多年嚟不斷提攜後輩，帶着不同年代嘅新人出埠登台，而呢份情義就累積咗黑妹多年來在圈中嘅人緣。
