今集電影泉攻略， 泉叔 王鎮泉 Jeoffrey 就去到新西蘭，除咗獲電影公司安排參觀電影展覽，以及全球最頂尖嘅特效公司。泉叔仲同《阿凡達3》嘅台前幕後做咗《影人Talk》專訪，新西蘭呢個地方對於金像名導 占士金馬倫 絕對係意義非凡，因為占士金馬倫好鍾意呢個地方，無論係呢度嘅生活節奏，定係呢個大自然嘅環境都好啱佢，所以佢全家就搬咗過嚟，而喺25年嘅8月，佢就正式成為咗新西蘭嘅公民。
占士金馬倫嘅作品向來都極具細緻，戲中飾演妮蒂莉嘅Zoe Saldaña （素兒莎丹娜），被問到今次參演又有冇驚喜？Zoe話：「喺《水之道》入面變得融會貫通，感受到水之道嘅方式係好奇特。我知道佢對水同海洋係有幾癡迷，而且佢一直好想將其融入潘朵拉星球中。今次第三集中，仲要去接觸新種族曼關族人，睇吓佢哋點駕馭火嘅奇妙。」Zoe亦分享演繹納美人咆哮、嘶吼同大喊嘅情緒，事後佢經過一段時間先擺脫到納美人嘅狀態，不過佢又好鍾意呢種表達方式。同樣飾演納美人嘅Oona Chaplin（奧娜卓別林），笑指當時會跟囡囡一齊去做呢個情緒表達。
另外，Stephen Lang（史蒂芬朗）講到今次跟戲中兒子Spider關係改變因由，若果冇任何變化，咁繼續拍攝就冇意義，雖然兩人嘅關係令人憂心，加上有冷酷無情嘅感覺，從而帶出兩人微妙關係。
唔單止占士金馬倫啦，咁其實喺阿凡達二同三裏面飾演Makayina首領嘅演員Cliff Curtis都係新西蘭一名好著名嘅演員嚟㗎，嗰陣時占士金馬倫喺選角嘅時候，只係同佢做咗一次嘅視像會議，就已經決定阿凡達跟住落嚟嘅幾部電影都搵佢參演，足以證明啦佢係一名好有實力嘅演員。
今個星期嘅新片速遞包括
《阿凡達3》故事緊接上集結尾，Jake sully同Neytiri喺海洋部落戰爭後努力撫平失去長子嘅傷痛，並保護被追捕嘅蜘蛛仔。佢哋決定尋求愛好和平嘅「風商族」幫助，結伴前往祕密據點。點知途中被神秘而且極其殘暴嘅「曼關族」突襲，佢哋更同維治上校聯手展開血腥報復，而與此同時，人類勢力嘅RDA亦正蠢蠢欲動醞釀新一輪入侵行動。
《過家家》故事講述遠離家鄉嘅租客鍾不凡（彭昱暢飾）被老房東任爸（成龍 飾）誤以為係離家多年嘅兒子，仙都唔仙吓嘅鍾不凡無辦法下同唯有幾位萍水相逢嘅人，相聚在同一屋簷下，唔係一家人，但係就硬入一家門。當鍾不凡被任爸不定時發作嘅糊塗折磨得死去活來時侯，竟然發現咗呢位老人家深藏多年嘅秘密。
至於今個星期嘅票房龍虎榜，截至7號中午為止，第一位《尋秦記》、第二位《阿凡達3》、第三位《優獸大都會２》。
