曾展望葉蒨文情侶檔拍賀年節目 與李丞責佛山取景受歡迎被捕獲

曾展望GM同葉蒨文Sophie呢對GS CP不時情侶檔上陣大放閃光彈，在公在私佢哋都形影不離，近日呢對人氣旺盛嘅小情侶又被委派重任，GM同Sophie一齊夥堪輿學家李丞責到佛山拍攝賀年節目，三人均著上喜氣洋洋嘅服飾，喺街頭取景時大受群眾歡迎，唔少人都前嚟沾沾旺氣。

myTV SUPER重溫《女神配對計劃》GS甜蜜

近日先後有網民喺佛山捕獲三人拍攝時嘅情景，其中一站GM同Sophie就去到著名文藝地標嶺南天地取景，兩人一展書法魅力，親手寫揮春，事後有網友獲得兩人嘅練習草稿拎返家留念，笑指算係得到兩人親筆簽名，更大讚GM為人可愛搞笑，女友Sophie皮膚白滑。

GM同Sophie及李丞責仍會繼續拍攝行程，故大批粉絲喺網上詢問佢哋嘅行蹤，希望可以去偶遇佢哋，據知佢哋會去到唔同嘅景點拍攝，包括揮春街、黄飛鴻紀念館等，而2月1號GM同Sophie仲會喺廣州開騷同觀眾見面，所以今次偶遇唔到佢哋嘅粉絲唔使失望。