唔少朋友升任父母之後，為咗成為小朋友嘅好榜樣，都會將生活壞習慣改變，等下一代喺健康環境下長大，夜瞓亂講嘢玩手機食垃圾食物嘅美好生活，統統都要重整，不過所謂吊頸都要唞吓氣，日日營營役役為家人付出咁多，當初生嘅王子公主就寢，總要放鬆好好慰勞自己嘅。
好似3月宣佈成為父母嘅 蕭正楠 同 黃翠如 ，雖然兩人平時鬼鬼馬馬，不過成為父母之後，就將重心轉移喺照顧朋友身上喇，轉個頭「蕭哈哈」已經就嚟10個月大，係勇於探索嘅時候，身為父母嘅佢哋自然要花更多精神照顧喇。
呢日蕭哈哈深夜終於瞓著，一向鍾意美食嘅阿蕭同翠如，等咗咁耐就終於可以放肆，翠如仲寫道話：深宵食堂😆終於等到那個要睡覺的睡覺，2026，第一個凌晨食堂，貓山王😂🥰深宵榴槤派對🎈
見佢同阿蕭捧住整個果王，眼神中充滿嘅唔止淚水仲有口水，翠如更係手中一件，眼已望住另一件，兩公婆嘅為食表情非常寫實又搞笑。
