金曲歌王 王力宏 近期忙於內地巡迴演唱會，最新一站來到浙江諸暨市，但就發生咗舞台事故，Leehom唱到趴地但一直起唔到身，唱面一度尷尬，幾乎嚇親現場歌迷。
由網上流傳嘅影片中見到當時Leehom著住牛仔背心，大騷麒麟臂，演唱《不可能錯過你》，見佢唱得好high，但當佢唱到最後一句「多麼愉快，我就是自由自在」時，突然成個人趴地，當佢準備起身時，竟然發現頸鏈攝咗入舞台地板嘅縫隙，差唔多成10秒都解唔開，睇到現場歌迷一片譁然。
好彩Leehom舞台經驗豐富，不慌不忙確認頸鏈位置，面帶微笑調整位置，終於成功取出頸鏈，化解危機，繼續演唱會。
