林景程 入行多年，除咗係演員仲尒一位有專業資格嘅物理治療師。近日氣溫急降，景程喺社交平台發文分享預防冬日關節痛症嘅保暖知識，令大家都讚佢係大暖男。
景程喺文中表示，最近喺物理治療工作，遇見唔少長者出現突發性關節痛、活動能力變差，其實都有可以同天氣變凍有關：「天氣變凍除咗會容易病，關節同肌肉既溫度都會降低，當肌肉溫度下降，血管會收縮，氧氣、養分供應會變少，肌肉嘅攝氧量亦會低左，活動表現通常都會變差。另外溫度低亦會令關節液變黏，潤滑功能差咗，就會令關節活動嘅時候更加唔順。」所以喺文末佢都特別提醒大家，關節要保暖，個人都要夠暖，記得要提長者保暖。
唔少人都留言讚景程暖心，有曾經同共事過嘅網民爆料，景程當年兼職做物理治療師時表現專業細心，仲話佢係：「唯一一個堅落手落腳，為臥床人士認真拍痰的PT！」。不過亦有網民以為景程已經冇做演員，景程即刻回應：「💪🏻💪🏻兩樣都努力做」澄清冇轉行。
