楊千嬅與老公丁子高遊法國登阿爾卑斯山欣賞雪景

上個月完成咗一連六場紅館演唱會嘅楊千嬅，日前就同老公丁子高飛咗去法國度假，更登上阿爾卑斯山。千嬅又喺社交平台分享靚相，其中一張相佢瞓喺雪地上，擺出Snow Angel嘅動作，感覺相當寫意。

當地白雪紛飛，千嬅呢次嘅法國之旅，既可以欣賞到雪景，亦可以俾自己放返個假叉叉電，睇嚟佢都樂在其中，佢更引用咗自己首歌曲《再見二丁目》嘅幾句歌詞表達心聲：「我也可唱遊異國，放心吃喝，然後再找寄托。」

而今個月底，千嬅就會喺重慶舉行首個內地生日限定音樂會，預祝52歲生日，唔少歌迷都非常期待。