毛舜筠一向圈中人緣甚佳，每年一眾曾共事嘅藝員必定相約為毛姐慶祝，毛姐今日先喺社交平台貼出影片「November 2025 throwback （2025年11月回顧）✨💖」，片中見一班曾參演多部TVB處境劇《畢打自己人》、《天天天晴》等嘅演員開心相聚！
myTV SUPER《天天天晴》
毛姐跟李思捷、徐榮、陳茵媺、趙希洛、張達倫及羅天池自2008年合作電視劇相認至今，多年嚟工作碰頭、閒時相聚，眾人有好多嘅難忘時刻。毛姐去年11月迎嚟65歲生日，眾好友相約同毛姐慶祝生日，雖然未必每年人齊，但呢份心意卻令毛姐暖在心頭，開心寫道：「每年我的生日，你們都不會忘記🥰🥰🥰😘😘😘♥️♥️♥️ 。」
65歲毛姐熱愛工作、魅力不減，外貌保養得宜實在令人驚訝，佢曾分享保養秘技就係一星期去做三至五日運動、每朝起身就喝一杯暖水，補充晚上流失嘅水分，空腹服用維他命C，讓皮膚變得更有彈性，散發自然光澤。
