雨僑同羅力威喺2018年3月結束七年愛情長跑註冊結婚，兩口子嘅生活，分別喺2020年及2023年先後生咗囡囡Harper同囝囝Harvey，成為幸福四口之家。夫婦兩人分擔湊小朋友責任，又不時喺社交平台分享生活照。
身為在職媽咪嘅雨僑，剖白心底話道出湊小朋友嘅辛酸日常，有小朋友嘅生活每一日有點chaotic（混亂），一日媽幾百次，「爭吓玩具，倒瀉嘢飲。行山行到一半急wee wee（去廁所），碎片式睡眠」。
雨僑道出唔少媽咪嘅生活實況，但佢心知如果將來年老時，可以畀佢時光倒流去人生當中嘅一日，佢一定揀重溫一對仔女嘅兒時日子，拖住隻仔女手仔一齊行嘅日子，字裡行間流露出母愛嘅偉大同對仔女無私嘅愛。雨僑除咗分享同一對仔女嘅溫馨相，又點會少得同老公羅力威嘅放閃相。
