吳若希戴祖儀新節目騷長腿尋歡作樂 彼此友誼建於鬥嘴互相攻擊

TVB熱播節目《尋歡作樂的姐姐》引起唔少話題，尤其係吳若希、戴祖儀、游嘉欣同麥玲玲組成嘅「深廣四姊妹」更大獲好評。

Jinny同Joey除咗識搞笑，仲不時大派福利輪流騷長腿，非常吸睛，而佢哋嘅互動亦係一大亮點，正如Jinny所講自己同Joey好熟，拍攝時有種好似姊妹去旅行嘅感覺，私下都會相約去旅行，所以今次將平日對話搬咗上節目畀大家睇。

立即重溫《尋歡作樂的姐姐》精彩內容

對於大家覺得佢哋不時鬥嘴，Jinny笑言佢哋嘅友誼建基於不停互相攻擊上，而攻擊過程係令彼此互相進步。Jinny除咗同好姊妹拍節目，早前跟家人趁聖誕新年假期去東北旅行，此行畀仔女感受冰天雪地感覺，一齊砌雪人同滑雪，Jinny自爆以為自己識基本滑雪技巧就等於識滑雪，點知搞到周身傷回港，下次再去滑雪時會加倍小心。