五月主音阿信同F4其中三子言承旭、周渝民、吳建豪嘅巡迴演唱會來到成都站，早前上海站阿信先唔小心跌落舞台，搞到見紅流血，阿信喺成都站竟然又出意外。
唱到《離開地球表面》時，阿信被吳建豪件外套絆倒，成個人重心不穩向後跌低，好彩吳建豪伸手拉阿信起身，臨危不亂咁繼續唱完首歌，阿信仲自嘲係刻意跌倒，叫大家唔駛緊張。
演唱會上四位除咗合唱，Jerry、仔仔同吳建豪各自有solo環節，Jerry同阿信合唱時，著住背心騷肌，吳建豪同樣著住背心彈結他，大騷麒麟臂，原來戴公仔衫頭套、著毛毛褸嘅仔仔都係有料之人，換上deep v黑西裝就見到佢露出若隱若現嘅胸肌，現場歌迷仲起鬨叫仔仔除衫，搞到佢大嗌救命。
阿信夾埋另外兩個人一齊除吳建豪件衫，原來吳建豪西裝褸下着住件透視網衫，佢亦應觀眾要求大方派福利！
