音樂人 陳巧威(Gareth Chan) 去年初出席電台頒獎禮，獲頒監製大獎時當眾宣佈，將迎娶拍拖多年嘅前Super Girls兼試當真成員 陳穎欣 Yanny 。近日呢對準新人就現身澳洲，與Dear Jane嘅Jackal，以及其他歌手好友齊齊出現澳洲，有傳媒指兩人即將於當地舉行婚禮，步入人生另一階段。
早前新郎哥受訪時，曾指婚禮交由Yanny全權負責，將於大自然下田園風格進行，而婚禮只邀請少量摯友出席。
日前 陳巧威 已貼出，欣賞自幼已成為偶像嘅流行天王 Michael Jackson 音樂劇，據門票所見正身處澳洲墨爾本。而之後又見到佢同Yanny以及一眾好友齊齊到動物園探樹熊，準新娘仲扮樹熊進食，心情靚到爆。
而身當地嘅仲包括 黃偉文 同 余文樂 ，Wyman更指為咗同幾位重要朋友食飯，所以特別以米奇領帶打扮出現咁話。
