羅毓儀 同 林俊其 自《女神配對計劃》後撐著，自此變成一對熱戀情侶，唔止喺網上不時公開合照甜到你甩牙，放閃程度直情有啲人神共憤，最近Yuki仲公開新片，亦解開點解情侶相處男朋友總會不經意間變肥嘅原因。
Yuki同Kris嘅新片見到，佢哋同遊日前已經結束嘅今屆工展會，見到現場咁多特色小食，Yuki就胃口大開，樣樣都想試，不過就款款都咬一啖淺嘗，之後就隨即塞晒俾Kris，結果就由下晝被餵食，一直塞塞塞﹐唔算肥嘅Kris最終就被塞到爆喇。
雖然女士一家唔會認為自己就係另一半嘅致肥元兇，不過有片有真相，Kris如果嚟緊宣傳《非常檢控觀》變肥仔，監製有不滿就可以方便追查喇，而買咗2月1號佢哋同另一對「CP」葉蒨文、曾展望仲有蔡思貝廣州演唱會門票嘅朋友，就記得留意呢半個月Yuki嘅「男友增磅計劃」進度喇。
