粵劇界新貴花旦 梁非同 15年前開啟粵劇之路，更獲創意班主 彭美施 扶持，肯學謙虛態度亦令佢於梨園備受讚賞。去年佢仲正式成立「非同劇團」，希望有平台令更多志同道合喜愛戲曲朋友，一齊於舞台上發光發亮。
劇團以以南宋時期傳奇女英雄梁紅玉為題嘅頭炮新編粵劇《安國紅玉》，3月初會於高山新翼演藝廳演出。日前公布演出詳情，非同仲以雷鳴擊鼓方式登場，喻意「非同劇團」首演震聲威。
梁非同先感謝一手提拔自己，今次仲擔任策劃工作嘅施姐同工作人員協助。非同希望劇團秉持前輩們對藝術嘅認真謹慎精神，做好每一次演出不負觀眾。
非同今次邀請男神拍檔文武生 王志良 扮演韓世忠，戲中夫妻同心合力抗金兵，又有新晉文武生 莫華敏 演岳飛同 曉瑜 演岳銀屏。以雙生雙旦姿態打響頭炮，符樹旺 及 吳國華 亦參予演出。
