陳慧嫻 嘅巡迴演唱會武漢站日前圓滿落幕，雖然嚟到武漢站，但陳慧嫻嘅歌單都係以廣東話為主，所以早前當陳慧嫻見到門票早早售罄，佢都難免感動與興奮，喺社交平台發文感謝粉絲嘅支持：「多謝每一位支持我嘅樂迷朋友，我武漢站演唱會全部飛賣晒啦！」
演唱會當晚慧嫻賣力跳唱近三小時，多首金曲輪住唱，不時引起觀眾全場大合唱。而當唱到最後一首《幾時再見》時，陳慧嫻更不禁落淚，場面勁感人。
武漢站圓滿結束後，唔少觀眾都覺得未夠喉，催陳慧嫻再舉行其他站嘅巡演，而大會亦有好消息公布，表示巡迴演唱會仲未「收爐」，所以眾fans要密切留意下站開騷地點。
