尋歡作樂的姐姐｜何依婷驚青挑戰室內衝浪 林凱恩展熱愛運動一面

旅遊節目《尋歡作樂的姐姐》集集精彩，一班姐姐寓工作於娛樂，既可以體驗小鮮肉按摩店，又可以嘆盡美食。何依婷同林凱恩喺最新一場大解放，同浪花玩遊戲。不過唔擅長玩水上運動嘅依婷，未落水前心情好忐忑，仲好擔心會轆落水，令Iris都要幫佢做好心理建設，頻頻安慰佢就算跌都會衝返上去，所以唔駛驚。
 
重溫《尋歡作樂的姐姐》姐姐們作樂內容

依婷同Iris好留心聽教練講解之後，依婷就懷住戰戰競競嘅心情率先落場玩。雖然開頭依婷都嚇到花容失色，仲拖實教練隻手仔唔放，經過教練哥哥嘅温柔指導後，依婷唔單止進步神速，仲越滑越放，解鎖成功﹗
 
室內衝浪對一向好鍾意玩水上運動嘅Iris嚟講冇難度，教練連佢嘅手仔都未拖實，Iris已經放飛自我。
 
姐姐們雖然喺行程嘆盡美食，不過一啲都唔怕肥，因為依婷發現拍攝行程係前期食、後期做運動，所以就算食多啲都冇有怕。