林嘉華 作客《星光路上》接受主播 潘盈慧 訪問，喺娛樂圈工作超過半世紀，從事過不同崗位，而當年嘉華哥係冇諗過做演員，因為當時佢係一名警察，嘉華哥話當年係受訓中，而自己有機會擔任「少年警訊」主持，從而開拓自己嘅主持之路。
之後嘉華哥又參與運動節目，擔任《體育世界》主持工作，過程中，佢獲益良多，因為好多資料都要親力親為去準備，佢又分享一次上海採訪時，巧與李寧過程。
談到演員之路，嘉華哥好謙虛話自己演技唔係好，即使觀眾鍾意都唔代表真正好，因為自己會對自己有要求是另一回事。佢承認初入行時真係乜都唔識，幸好當時遇到好多大前輩，當中一位前輩就係蝦叔關海山，蝦叔傳授咗好多心得畀佢，而佢學會每當自己唔識就去問，然後再搵機會實習。
另外，嘉華哥亦提到自己拍攝劇集《天子屠龍》飾演鰲拜一角，當時係第一部劇集用文言文講對白，難度極高，全部要死背。嘉華哥又分享現時有咩事令自己開心？