去年8月入院接受切除腫瘤手術嘅 李連杰 ，事後被社交平台瘋傳佢係心臟出現問題，仲誇張到力指佢康復神速係因為已接受一年輕武僧嘅心臟移植，又傳佢全身換血，陰謀論傳到真嘅一樣。
冇你咁好氣解又點都仲係有人唔信，佢事後就曾赤膊出現打功夫，宣傳強身健體功夫舞，之後又遊走各地旅行，仲非常勤力於社交平台拍片，平時感覺穩重不苟言笑嘅佢，近日就公開同哈佛高材生三女Jane（李真好）嘅影片，仲決定由囡囡揀選自己嘅出門打扮。
一向形象平實嘅李連杰宏大嘅寓所內部亦見公開，淨係衣帽間睇嚟已極為廣大，衣櫃中所見主要都係深色系列，唔止有大量T恤，佢本人仲指唔少衫歷史仲大過2000年出世嘅Jane，更至少著足廿年，非常慳儉。
變裝之後Jane又解釋點解會為爸爸襯托一身打扮，認為佢睇落神清氣爽，而身為老竇嘅李連杰亦似乎非常滿意，仲笑笑口答阿囡「Good」呀。
