2026年剛剛開始，唔少朋友都總結過去一年，同時展望新一年自己嘅期望，大家又對新一年有咩期待呢？
而「豹嫂」 胡蓓蔚 就貼出2016年十年前嘅多張舊照片，除咗有同好姊妹 胡定欣 黃智雯 胡杏兒 姚子羚 姊妹淘 出遊同床分享心底話嘅閨密時刻，又有扮得靚靚出席品牌活動，以及同 陳山聰 胡諾言 於郊野跑步仲有做Gym保持好身材嘅時光，當中仲包括大家同遊歐洲嘅片段，而近日宣佈正式同前未婚夫分手嘅 李施嬅 亦有出現於當年相片中。
時光荏苒，雖然十年過去，不過幾位女藝人其實變化不大，而「豹嫂」同拍拖已近30年，3月就會慶祝18周年綠松石婚嘅豹哥 單立文 ，雖然平時演出瘋瘋癲癲冇嚟正經，不過就對老婆情深一往，豹嫂嘅生活中充滿住老公嘅身影，而見到呢個Post嘅姊妹們亦相繼留言，豹嫂仲讚大家：「點解你仲靚過10年前嘅？」。
