洗米嫂陳慧玲英國見證大女畢業 Mandy Lieu自英返港被野生捕獲

前太陽娛樂文化老闆周焯華因涉及多項罪名被捕正收監，而佢嘅太太陳慧玲，近日飛到英國見證大女梓潼碩士畢業，同行仲有非常疼愛細妹嘅繼子周柏豪。Heidi喺社交平台分享多張同愛女喺倫敦嘅合照，梓潼盡得媽咪優點，兼且品學兼優，佢以「Pass with Distinction」最高等級修畢倫敦國王學院（King's College London）臨床心理治療理學碩士。

至於為洗米華誕下三女一子嘅Mandy Lieu，近年定居英國，專心打理自家莊園，不時向當地小朋友宣揚保護環境訊息。但有指佢近日罕有返港，被人喺香港街頭野生捕獲，身穿黑色長西裝，配以黑色短裙及黑絲襪長靴嘅Mandy Lieu狀態不減當年。