曾與李小龍、成龍、狄龍並稱「四小龍」嘅資深功夫巨星 梁小龍 據報14號離世，終年77歲。佢曾由武師到紅遍華人「陳真」，息影到再憑《功夫》中「火雲邪神」復出，月前仍接受訪問指仍要為家人生活奔馳。
中山出生嘅梁小龍本名梁財生，嬰兒時報就随家人遷往香港，自細就不時遭欺負嘅佢，開始學武自衛同保護家人。十五歲梁小龍輟學，由最底層替身武師演員做起，後獲任邵氏武術指導嘅叔叔梁小松傳授北派腿法，加上自學詠春，又曾拜日本空手道黑帶高手山口為師，功夫拳腳皆越見精進。年僅19歲就成為武術指導，更於全港搏擊比賽中奪得兩冠一亞軍佳績。
1972年佢正式踏入演藝圈，主演《生龍活虎小英雄》，短短十年間拍足70多部電影、電視劇更達上千集。80年代初嘅《大俠霍元甲》同《陳真》，成為佢演藝生涯巔峰。後來佢轉為到內地經商。
直到2004年周星驰開拍《功夫》，邀請佢飾演「火雲邪神」再度現身幕前，此後佢先後參演《不二神探》、《葉問》等作品，去年又參演網絡電影《神鵰俠侶：問世間》飾演歐陽鋒，七十多歲高齡依舊活躍在熒幕前。
梁小龍 曾與歌手 黎愛蓮 育有一女後離異，1995年與年輕20歲嘅內地妻子結婚，婚後育有一子一女定居成都。去年10月佢曾返港出席活動，仲笑指仍需為兒女生活拼搏。