早前突然向外公佈已經誕女嘅台灣女星 鬼鬼 ，轉眼為人母已經一年，呢日佢出席活動時，就同傳媒分享心情，更爆囡囡嘅「抓周」儀式識得搲銀，不過就爆笑指係自己作弊嘅成果喇。
鬼鬼話一早就將紙幣俾囡囡當玩具，結果到儀式當日，BB一見紙幣就自然會捉實喇。佢又話BB可愛比可惡多，最深刻就係囡囡換紙尿褲時不時都會公開斟茶，仲會一臉洋洋得意，搞到鬼鬼都話BB好似遺傳晒自己嘅佻皮咁話。
佢過往同炎亞綸非常老友，不過近年就傳出兩人友誼不再，呢日佢就指只是生活圈逐漸唔同，因為要湊BB同拍攝已經非常忙，所以比較少時間出去玩，並冇排擠對方咁話。
