好嘅人生伴侶會為你帶來正面影響，好似 吳業坤 近年就挑戰過百經理越野賽，仲受空手道訓練代表香港出戰，認真積極。而近日嘅年度長跑盛事，坤哥亦同太太 濱口愛子 一齊參與，更一齊完成，感覺就好似夫妻共同度過一個關卡咁。
坤哥於社交平台寫道：
12 年前第一次跑10K 都腳痛嘅我點會估到自己有一日可以完成42K跑完嘅感想係：「終於跑完啦😭」5小時22分絕對唔係啲咩值得驕傲嘅成績但係可以係自己人生蓋多咗一個印仔🥹同埋用腳遊覽完想全馬路線想講多句香港真係好靚！！
而太太愛子亦都成功完賽，成績更比老公更好，更快足成40分鐘，佢仲以中、日雙語表達感受，又話呢次係完成雖然係辛苦不過非常有成功感呀。
全馬完走！我人生其中一個目標達成💪跑步係同自己鬥。條路好長，但都只係諗住一步一步向前行。雖然我個身體好痛，不過超～開心😭我做到呀～😭
