玉澤演低調訪港逛酒吧睇夜照 網民跪求問點可以偶遇Oppa

韓國男星 玉澤演 低調訪港，佢喺18號晚上傳多張香港景色照，當中有喺山頂俯瞰香港嘅日、夜景、絕美嘅日出照、坐纜車時嘅隨手拍、人頭人往嘅蘭桂坊街景、酒吧照等。

除咗紀錄香港美景，玉澤演仲分享咗好多喺香港品嚐過嘅美食照，當中有西多士、特色蛋撻 同 雲吞牛肉麵等，玉澤演喺帖文中簡單寫上：「HongKong🫶🏼」

雖然喺眾多照片中，玉澤演只上載咗一張有自己喺粉麵店食緊雲吞麵嘅照片，不過仍引嚟fans們驚呼，網民們都紛紛留言問可以喺邊度偶遇Oppa，亦有唔少人留言叫佢好好enjoy香港之行。