AI已經成為唔少朋友工作嘅好幫手，更多就係利用AI製作唔少搞笑影片，我哋噚晚就同大家睇過全新AI微短劇，估唔到今日又有AI新片睇喇，不過今次就唔係咩愛情、婚外情，而係已身為兩女之父嘅 洪永城 ，將兩個寶貝女 「Sir Face」Amber同「Sir Nose」Beryl，化身成熱舞小Dancer，一眼望到以為即將6歲同2歲嘅兩位小朋友，舞姿有如專業舞者，睇多幾秒先估到係老竇出招咋。
Tony亦鬼馬寫道：帶咗佢哋去跳舞堂一年幾啫，就有咁嘅成績，爸爸非常之欣慰，不枉每堂都要三百幾，雖然校服另計，到時到候又有stage表演又跌一千幾百，嚟緊過年喇，又要買旗袍又有農曆dancing camp😌😌不過最後諗返，都係值得嘅😏。
不過亦有朋友以為片段真係小姊妹熱舞，仲有人留言指姊妹花可以現場原地出道，但細心睇真啲，就會見到尤其係妹妹Beryl嘅手仔有穿崩位出現，不過就一樣難掩兩姊妹嘅可愛喇。
