籌款節目《慈善星輝仁濟夜》日前舉行，多位歌手藝人齊齊為善出力演出，五大女神更首次做司儀，夠晒話題。
呢晚周吉佩、冼靖峰同台合唱，吉吉仲即將會參與一個非常特別嘅演出，編曲同打扮都會特別配合主題呀。剛度過生日嘅 陳展鵬 ，指今年將會專注音樂事業，早前仲獲老婆單文柔安排一難忘嘅回鄉旅程。
游嘉欣 早前同 吳若希、戴祖儀合作節目《尋歡作樂的姐姐》，但有傳游游因為頻頻Ng，令Jinny同Joey合體杯葛，呢日佢哋就直接澄清喇。而Joey就幾乎墮入電話陷阱，差啲被騙3千蚊呀。
而身為港姐冠軍人馬嘅 倪樂琳 ，早前獲葉念琛導演邀請，出演最新一代「阿寶」一角，呢日佢就同大家分享當中原由喇。
