柯煒林去年自爆患上第四期肺腺癌，令圈中朋友同影迷時刻都好關心佢嘅身體狀況，不過Will抗癌精神樂觀，又形容自己係癌柱（擅長同癌症對抗嘅強者），時刻保持堅強態度，令大家放心唔少。 但Will近日喺社交平台Post一張擺出勝利手勢嘅相，配文留低一句：「對啊，我真的是有被好好接住。謝;) 走囉~」，又將留言功能關閉，引起網民討論。
從相中可見，Will雖然身形瘦削唔少，但睇落好精神，亦笑得燦爛。但佢關閉留言同疑似告別，都令大家紛紛揣測背後原因。有人認為Will前排先出席完品牌活動，狀態甚佳，應該只係普通抒發心情或者工作有新計劃，亦有人擔心係佢病情有變。
