呂方 自從2020年結婚生囡後，就開始減少工作，近年更轉戰內地社交平台做KOL，不時拍片分享生活同父女互動。 最近呂方分享佢帶囡囡Emma去食片皮鴨嘅影片，仲話：「終於帶我的小棉襖打卡帝都啦，果斷選擇一家烤鴨店來吃！」
已經5歲嘅Emma因為遺傳爸爸嘅單眼皮原因，自細就被指同爸爸係「餅印」，不過慢慢長大之後就變得相當可愛，五官都變得精緻好多，戴住小皇冠髮飾嘅佢就好似一個小公主一樣。
除咗分享同Emma食片皮鴨，呂方仲分享囡囡喺飛機上嘅畫作，喺Emma筆下嘅爸爸「又高又瘦」，令擁有「幸福肥」嘅呂方都話：「有點出入」，但仍然好Sweet讚囡囡：「可愛到犯規」
