TVB愛心基金日前舉行「愛心送暖大行動」，活動當日團隊兵分三路出發派福袋，TVB愛心基金董事 曾勵珍 仲親自帶領《愛‧回家之開心速遞》嘅 呂慧儀 張景淳 吳偉豪 同 林凱恩 ，聯同香港紀律部隊義工服務隊，浩浩蕩蕩到油塘邨探訪獨居長者同埋雙老家庭，佢哋仲準備咗好多福袋送比一眾長者，收到大家嘅愛同關懷，好多公公婆婆都開心到笑逐顔開。
大家都話好開心可以同珍姐一齊做義工，同公公婆婆相處之道就係用真心真意去關心，聽佢哋分享下日常，就已經可以令老人家好開心。
另一邊廂《中年好聲音》嘅 羅啟豪 李佳 顏米羔 梁浩賢 以及 支嚳儀 就去到觀塘廣田邨向長者派福袋同上門探訪。作為實力唱將，大家當然唔少得同婆婆唱下歌仔。完成探訪後，一眾唱將都話好難忘，基本上每人都被老友記錫一啖，令佢哋好開心，亦覺得好有意義。熱情嘅老友記們，仲教中聲唱將耍太極、捉棋，令佢哋一班後輩玩得好開心。
