早前返港出席藝人之家音樂會嘅喬宏遺孀 小金子 呢日同 謝寧 梁藝齡 一齊現身一個聖經文物館預覽活動。年逾90嘅小金子，話今次返港會多逗留一段時間，仲同唔少演藝圈朋友見面，當中仲認識唔少年青朋友，非常開心又感恩，仲教大家心中存喜樂，就係世間至佳良藥呀。
而近年專注傳道嘅梁藝齡，完全睇唔出去年已經「登六」，呢日仲笑言搪特價車唔怕被質疑，心態上更加非常開心，好似進入人生唔同階段一樣。
而謝寧嘅餅店生意蒸蒸日上，生意額更突破1億，佢就話希望自己嘅出品可以成為香港嘅手信代表，仲希望可以到海外發展為港爭光呀。
