一踏入2026年 溫碧霞 就已經忙個不停，短短三星期中已經先後到過上海、杭州同廣州出席商演。日前佢返港幾日休息充電，仲趁寒流未至天氣仍然和暖，獎勵自己到主題樂園遊玩釋放童心。
Irene以清涼背心短裙坐上旋轉木馬，洋溢幸福滿足笑容，原來坐旋轉木馬係佢童年時嘅一大夢想，Irene話：「童年家境好窮，根本冇錢去樂園，只可以由家姐抱住喺場外遠遠望住其他小朋友玩。童年最渴望可以坐上旋轉木馬玩。可能童年冇得玩，而家大個就玩返夠本，哈哈！」
而每個樂園都隨處可見嘅棉花糖亦勾起佢唔少回憶。Irene憶述小時候羡慕小朋友手上大大嘅棉花糖，更將甜蜜傳予兒子Xavier：「Xavier細個時每次見到棉花糖，我都一定會買俾佢。不過而家佢長大咗，就唔再食啦。」
玩樂過後Irene就再投入工作，將飛往巴黎出席時裝周。她仲指完成巴黎行程返港後就會開始準備過年辦年貨，迎接馬年新春。