TVB舉行年度長期服務暨傑出員工榮譽大獎頒獎典禮，表揚一直長期為公司貢獻嘅台前幕後同事，貴為視帝視后嘅 譚俊彥 同 龔嘉欣 早前已獲得傑出員工獎，佢哋就指非常感謝提名佢哋入圍嘅同事，阿Shaun仲特別多謝 陳豪 ，因為佢係首位得傑出員工獎嘅藝人，令兩人視為榜樣呀。
而效力TVB已30年嘅 「熊尚善柔」 滕麗名 黎芷珊 湯盈盈 同 姚瑩瑩 就指，貶眼就幾十年過去，阿滕仲話日日開心，時間自然就飛逝喇。而由節目主持到近年轉任製作嘅芷珊，就話每次訪問都非常難忘喇。
而盈盈同瑩瑩當年同期加入訓練班，轉眼數十載，仲笑指當年點名有趣事。而攞廿年金牌嘅 鄧永健 就指每次演出同不同演員合作都非常新鮮呀。
剛獲得最佳主持嘅 車婉婉 獲頒十年獎，由當年演戲為主到近年兼任主持，佢就話磨練演技係非常難得機會，非常滿足又豐盛。同樣得十年獎嘅仲有 周嘉洛 林凱恩 吳偉豪 關曜雋 等新一代同事，佢哋就覺得由當年懵懵懂懂到今日成熟唔少，多謝觀眾支持，仲話仍然稚氣未減一樣活潑呀。
