李克勤同老婆盧淑儀均有共同嗜好喜愛運動，尤其對高爾夫球及羽毛球狂熱，夫妻不時一齊出動切磋。日前克勤去杭州為林子祥（阿Lam）同葉蒨文（Sally）嘅演唱會擔任嘉賓後，隨即喺當地搵埋一班羽毛球之友打友誼波。
位位均係球壇高手，包括前羽毛球一姐王琳、國家羽毛運動員鄭思維、王懿律、韓呈愷、周昊東等一齊打波，連盧淑儀都一齊落場。克勤更獲贈鄭思維專屬羽毛球拍包，上面仲有鄭思維嘅簽名，作為「國羽隊頭號粉絲」嘅克勤收到呢份大禮特別開心。
唔少網民見到呢個畫面都好羨慕克勤能夠一次過同咁多高手過招，盼望見到克勤上場對打嘅比賽，更呼籲克勤到杭州開騷。克勤迷上羽毛球後，唔單只球技了得，而且一有空閒就會到國內不同地方欣賞球賽支持國家隊，今次好友相聚盡是享受。
另外，克勤此行為阿Lam同Sally擔任嘉賓，同兩人合唱經典金曲《數字人生》、《分分鐘需要你》，三人實力唱功震撼全場，觀眾反應熱烈。
